د لیسټر سیټي څښتن د چورلکې لوېدو کې وژل شوی

لیسټر سیټي منلې ده چې څښتن یې او تایلنډۍ میلیاردر ویچای سريوادهاناپرابها او څلور نور کسان د انګلیسي لوبډلې لوبغالي بهر د چورلکې لوېدو پېښه کې وژل شوي دي.

په وژل شویو کې پیلوټ هم دی.

پېښه د شنبې په ماخوستن اته نیمې بجې هغه مهال رامنځ ته شوه،‌ چې چورلکه له پورته کېدو شېبه وروسته ولوېده.

عیني شاهدانو وویل،‌ چورلکه تر لیسټر لوبډلې تر سټوډیوم پورې په هوا کې وه چې په لوېدو سره یې اور واخیست.

لیسټر د انګلستان یو مرکزي ښار دی. ددغه ښار د فوټبال لوبډله ۱۳۴ کلن تاریخ لري.

سټوډیوم کې زرګونه ګېډۍ ګلان له ویچای سره د غمشریکۍ په پار اېښودل شوې دي.

د الوتکې لوېدو کې له برازیلي لوبغاړو سره ۷۶ کسان وژل شوي

د ښځو فوټبال نغدي جایزه دوه برابره کېږي

یوه عیني شاهد ویلي، د لیسټر لوبډلې یو لوبغاړی یې ولید چې له لوبغالي بهر یې د الوتکې د لوېدو ځای ته منډې وهلې.

ځینې عیني شاهدانو ویلي، چې د الوتکې په لوېدو سره له الوتکې د اور یوه لمبه پورته شوه.

د سريوادهاناپرابها د ملکیت په دوران کې لیسټر سیټي پر انګلیسي لوبډلې په ۲۰۱۶ کال بریالۍ شوه.

یوه عکاس ریان براون چې لوبغالي کې یې عکاسي کوله ویلي، چورلکه یې په کینګ لوبغالي کې تر لوېدو مخکې ولیده.

هغه د بي بي سي "لایف ۵" رادیويي پروګرام ته ویلي "د چورلکې ماشین ودرېد سرمې راپورته کړ چې یو تیز غږ مې واورېد او بیا چاودنه وشوه".

د سکای نیوز سپورت شبکې خبریال راب ډورسټ ویلي، چورلکه له لوبغالي پورته شوه. څو ثانیې وروسته یې پیلوټ کنټرول له لاسه ورکړ.

یوه بل عیني شاهد ویلي، ښکارېده چې د چورلکې شاتنۍ برخې کار پرېښود، همدا وو چې وچورلېده او بیا ولوېده.

ویچای سريوادهاناپرابها څوک دی