26 September
Dem born Ms Madikizela-Mandela for Bizana inside Transkei wey dey Eastern Cape.
Winnie Mandela memorial na chance for final bye-bye
Wia dis foto come from, AFP/GETTY IMAGES
Published
South Africa don start di four-day ceremony to bury anti-apartheid activist Winnie Madikizela-Mandela wey die for 2 April afta long sickness at di age of 81.
Na thousands of pipo gada for Orlando Stadium for Soweto, di venue for di public memorial service, to give Madikizela-Mandela final respect.
Wia dis foto come from, Getty Images
Dis memorial dey happen four days before di funeral service for Saturday.
Before she die, Madikizela-Mandela dey live near dis stadium.
Na with military style ceremony gofment talk say dem go use bury di wife of South Africa first black president Nelson Mandela.
1936
1957
Di young social worker meet Nelson Mandela, wey im be lawyer and strong person wey dey fight against apartheid. Dem marry one year later.
1964
Dem sentence oga Mandela to life in prison. Ms Madikizela-Mandela begin do talk-talk and waka from place to place make dem free am, sotey na she come be di face of 'i no gree' against apartheid.
1969
Dem put her for prison and she spend 491 days for separate cell wey only she dey insde.
1977
Dem later pursue Ms Madikizela-Mandela go Brandfort, one small town wey dey inside Free State province and she stay dia for almost 10 years.
1986
Ms Madikizela-Mandela do one talk-talk wey cause serious argument when she say im support 'necklacing', dat na to put tyre for di neck of anybodi wey dem catch say e join di gofment and burn dem alive. She add say "If we join hand togeda, with our matches and necklace, we go free dis kontri.
1990
Dem free oga Mandela after 27 years wey im don dey prison. Ms Madikizela-Mandela tanda for gate to welcome am.
1991
Dem accuse Ms Madikizela-Mandela say she kidnap and attack one 14-year-old boy Stompie Moeketsi. Her bodiguard kidnap di boy for 1989 and later dem see im dead bodi. Winnie deny everything but court say she dey guilty and come sentence her to six years in prison, wey dem later reduce to fine.
1993
Dem vote am as president of di African National Congress Women League. Dem re elect am again for 1997.
1994
Dem make am di Deputy Minister of Arts, Culture, Science and Technology for Mandela join bodi gofment. Dem later sack her after dem accuse am of wayo and wuru-wuru.
1996
After 38 years wey Winnie mary Mandela, dem divorce demsef.
2003
Court say Winnie dey guilty of mago-mago and thief-thief because of one bank loan wayo. Court later change di thief-thief judgement but dem give am suspended sentence for three years and six months for mago-mago.
2007
Dem vote am into parliament again. She still dey popular to di poor, black South African pipo and di youth.
2018
- 2 April
After long struggle with sickness wey don tey for her bodi, Winnie Madikizela-Mandela die in peace for hospital.
- 26 September
Dem born Ms Madikizela-Mandela for Bizana inside Transkei wey dey Eastern Cape.
Di young social worker meet Nelson Mandela, wey im be lawyer and strong person wey dey fight against apartheid. Dem marry one year later.
Dem sentence oga Mandela to life in prison. Ms Madikizela-Mandela begin do talk-talk and waka from place to place make dem free am, sotey na she come be di face of 'i no gree' against apartheid.
Dem put her for prison and she spend 491 days for separate cell wey only she dey insde.
Dem later pursue Ms Madikizela-Mandela go Brandfort, one small town wey dey inside Free State province and she stay dia for almost 10 years.
Ms Madikizela-Mandela do one talk-talk wey cause serious argument when she say im support 'necklacing', dat na to put tyre for di neck of anybodi wey dem catch say e join di gofment and burn dem alive. She add say "If we join hand togeda, with our matches and necklace, we go free dis kontri.
Dem free oga Mandela after 27 years wey im don dey prison. Ms Madikizela-Mandela tanda for gate to welcome am.
Dem accuse Ms Madikizela-Mandela say she kidnap and attack one 14-year-old boy Stompie Moeketsi. Her bodiguard kidnap di boy for 1989 and later dem see im dead bodi. Winnie deny everything but court say she dey guilty and come sentence her to six years in prison, wey dem later reduce to fine.
Dem vote am as president of di African National Congress Women League. Dem re elect am again for 1997.
Dem make am di Deputy Minister of Arts, Culture, Science and Technology for Mandela join bodi gofment. Dem later sack her after dem accuse am of wayo and wuru-wuru.
After 38 years wey Winnie mary Mandela, dem divorce demsef.
Court say Winnie dey guilty of mago-mago and thief-thief because of one bank loan wayo. Court later change di thief-thief judgement but dem give am suspended sentence for three years and six months for mago-mago.
Dem vote am into parliament again. She still dey popular to di poor, black South African pipo and di youth.
- 2 April
After long struggle with sickness wey don tey for her bodi, Winnie Madikizela-Mandela die in peace for hospital.
Gwede Mantashe, wey be di chairman for di ruling African National Congress party, talk say dis memorial na jolli-jolli bye-bye because Madikizela-Mandela na di 'mama of di country'.
During dis long memorial service, thousands of pipo sing and dance for di Orlando Stadium for Soweto to remember dis special woman.
Wia dis foto come from, Getty Images
Among di VIPs wey show na Graca Machel, wey be di former wife of Nelson Mandela, odas na; South African deputy president, David Mabuza, Energy Minister Jeff Radebe, Rita Ndzanga and Zulu chief Mangosuthu Buthelezi.
Skip Di one wey oda users dey read well well and continue reading
Di one wey oda users dey read well well
End of Di one wey oda users dey read well well
Mabuza talk during di service say di last thing Winnie Madikizela-Mandela try do before she die na to raise money for di family of one five-year-old girl, Viwe Jaliwey, wey die afta she fall enter pit latrine for her primary scool.
Mabuza talk say, ''Mama Winnnie na "gallant fighter" till di end of days.
Afta di minority white government lock Nelson Mandela and other ANC ogas for prison, Winnie continue to fight for freedom for her husband and di black majority for South Africa.
Wia dis foto come from, AFP
Na social work she bin dey do wen she first meet Mandela for 1957 and dem marry few months.
Even though di marriage reach 38 years, dem no live as man and wife togeda for long time because Mandela dey prison for 27 years.
But she lose respect wen one group she form, di Mandela United Football Club, wey turn vigilante group kill one 14-year-old, Stompie Seipei.
South Africa independence for 1994 reward Nelson with di office of president and Madikizela-Mandela with deputy minister and lawmaker with di ruling African National Congress.
Na for streets her real power dey but she still popular for ANC sotay she dey always score di highest number of votes for di national executive council wey dey control di party.
