ඉන්දියාවේ සහ නේපාලයේ ගංවතුරින් සියයකට වැඩි පිරිසක් මරුට

නැගෙනහිර ඉන්දියාවේ සහ නේපාලයේ පවතින ගංවතුර තත්වය හේතුවෙන් සියයකට වැඩි පිරිසක් මියගොස් ඇති අතර තවත් මිළියන ගණනක් පිරිස් පීඩාවට පත්වී සිටිති.

මෝසම් වර්ෂාව හේතුවෙන් ගංගා පිටාර ගලා යන අතර ගම්මාන සහ ගොවි බිම් යටවීමෙන් සිය දහස් ගණනක් පිරිසකට නිවාස අතහැර යාමට සිදුවී තිබේ.

ඉන්දියාවේ ඇසාම් සහ බිහාර් යන ප්‍රාන්ත වල සහන සේවා කණ්ඩායම් බෝට්ටු යොදා ගනිමින් විපතට පත් පිරිස් මුදාගනිමින් සිටින අතර අධිවේගී මාර්ගවල සහ උස් බිම් වල තැනූ තාවකාලික රැඳවුම් කඳවුරු වල දිවි බේරාගත් ජනතාව රඳවා සිටින බවයි වාර්තා වන්නේ.