Maxay Midowga Afrika iyo Qaramada Midoobey kala hadleen hoggaamiyaha TPLF?

Tebin toos ah

1. 17 Agoosto 2022Guddoomiyaha guddiga doorashada Kenya oo war hor leh sheegay

   

   Xigashada Sawirka, Reuters

   Guddoomiyaha guddiga madaxbannaan ee doorashooyinka iyo xuduudada ee IEBC, ee dalka Kenya ayaa ku eedeeyay 4-ta mas’uul ee ka tirsan guddiga isla markaana aan ayidin ku dhawaaqista natiijadii doorashada madaxtinimo in ay isku dayayaan in ay jabiyaan dastuurka.

   Wafula Chebukati ayaa bayaan uu soo saaray ku sheegay dhacdooyin aan la ogeyn oo dhacay xilligii la qorsheynayay Isniintii ku dhawaaqista natiijada oo saacado badan qaadatay.

   Waxa uu sheegay in Afarta qof ee ka tirsan guddiga oo markii dambe iska fogeeyay natiijada soo baxday, ay ka dalbadeen ayna ku qasbeen inuu sameeyo doorasho ku celis ah ,taasi oo uu ku tilmaamay guddoomiyuhu mid ka hor imaanaysay dastuurka iyo rabitaanka madax-bannaanida ee dadka Kenya.

   Mr Chebukati ayaa difaacay tallaabadii uu qaaday ee ku dhaqaasitii ahayd in William Ruto uu ku guuleystay doorashada inkastoo qayb ka mid ah guddiga ay sheegeen inuu u dhaqmay guddoomiyuhu si baalmarsan sharciga.

   Afarta qof ee ka tirsan guddiga ayaa sheegay inay qabaan su’aalo la xiriira sax ahaanshiyaha natiijada isla markaana aan la siin fursad lagu xaqiijinayo natiijada.

   Ninka ay sida weyn ula loo lameen Mr Ruto ee Raila Odinga – ayaa diiday in uu aqbalo natiijada, waxa uuna tilmaamay inuu qaadayo tallaabo dhanka sharciga ah.

2. 8 Nofembar 2021Madaxweyne Xi Jinping oo doonaya inuu xafiiska sii joogo

   

   Xigashada Sawirka, Getty Images

   Madaxweyne Xi Jinping ayaa ku darsan doonaa muddada uu sii hogaamin dalka Shiinaha toddobaadkan, inta lagu guda jiro shirka madaxda sare ee hadda ka socda magaalada Beijing.

   Shirkan oo socon doona muddo afar maalmood ah ayaa la filayaa in lagu ansixiyo qaraar lagu bogaadinayo guulaha xisbiga shuuciga ah ee boqolkii sano ee la soo dhaafay.

   Waa markii 3-xaad ee uu dhaca kulan noocaan ah tan iyo markii la aasaasay xisbiga.

   Sannadka soo socda, madaxweyne Xi ayaa la filayaa inuu ku dhawaaqo inuu jebiyay shirweynihii dhawaa sidaasina uu xafiiska ku sii joogayo. Warbaahinta Shiinaha ayaa ku tilmaantay in XI uu yaay nin waxqabad iyo aragti dheer leh.

3. 8 Nofembar 2021Dadka aan Muslimiinta ahayn oo ku nool Imaaraadka oo ku farxay go'aan ka soo baxay dowladda

   

   Xigashada Sawirka, Reuters

   Dadka aan Muslimka ahayn waxaa loo ogolaan doonaa in ay guursadaan, furaan oo ay si wadajir ahna u qaataan mas’uuliyadda ilmaha sida uu dhigayo sharciga madaniga ah ee Abu Dhabi.

   Sida ku cad wareegto cusub oo la shaaciyay Axaddii ayaa wakaaladda wararka ee Reuters oo soo xiganaysa wakaaladda wararka dawladda ee WAM sidaasi sheegtay.

   Wareegtada ka soo baxday Abu Dhabi, Sheikh Khalifa bin Zayed al-Nahayan, ahna madaxweynaha dowladda Isutagga Imaaraatka Carabta, ayaa lagu sheegay in sharcigan uu quseeyo guurka madaniga ah, furriinka, masruufka, xannaanada wadajirka ah ee carruurta iyo cadeynta aabbanimada iyo dhaxalka.

   Go'aanka dowladda ayaa waxaa soo dhaweeyay dad badan oo aan Muslimiin ahayn.

   Dib-u-habayntan, oo ay weheliso tallaabooyin ay ka mid yihiin soo bandhigida fiisaha muddada-dheer, ayaa loo arkay in ay tahay hab ay dawladda Khaliijka ku soo jiidanayso maalgashiga shisheeye, dalxiiska iyo degenaanshaha muddada dheer.

4. 8 Nofembar 2021Poland oo qaadeeyso tallaabo kale oo wadnaha jartay muhaajiriinta ka soo tallaabaya Belarus

   

   Waxaa jira muuqaal muujinaya boqolaal qof oo ka ag dhaw xayn-daabka siliga, kuwaas oo qaarkood isku dayaya in ay xoog ku maraan.

   Dowlada Poland ayaa qabaneysa kulan deg-deg ah oo looga jawaabayo cabsi laga qabo in tiro badan oo muhaajiriin ah oo ku sugan Belarus ay isku dayaan inay xoog uga gudbaan xadka Poland.

   Warsaw ayaa xukuumadda Minsk ku eedaysay in ay iska soo riixday muhaajiriinta aaggaasi ku sugan.

   Kumanaan booliis iyo askar dheeri ah ayaa la soo dhoobay xadka. Dalalka Poland, Lithuania iyo Latvia ayaa sheegay in bilihii la soo dhaafay ay sare u kacday tirada dadka isku dayaya in ay si sharci darro ah dalalkooda ku galaan kuwaas oo intooda badan ka yimid Bariga Dhexe iyagoo soo maraya Belarus.

   Midowga Yurub ayaa ku eedeeyay madaxweyne Lukashenko inuu ku takri falay muhaajiriinta isagoo reer galbeedka uga aargoosanaya cunaqabateynta ay saareen ka dib markii lagu eedeeyay inay ku xad-gudbeen xuquuqda aadanaha.

5. 8 Nofembar 2021Nin weerar mindi ah ku qaaday boolis Faransiis ah

   Nin mindi ku hubeysan ayaa weerar ku qaaday ciidamo ka tirsan booliska magaalada Cannes ee koonfurta dalka Faransiiska.

   Mid ka mid ah booliska ayaa toogtay ninka weerarka geystay, kaasoo xaaladiisa caafimaad ay aad u liidato, isla-markaana uu haatan ku jiro Isbitaalka.

   Saddexda askari ee booliska ah ayaan waxba soo gaarin. Booliska Faransiiska ayaa baaraya in ninka weerarka geystay oo la sheegay inuu u dhashay Algeria uu weerarkiisa la xiriiro arrimo diimeed iyo in kale.

   Wasiirka arrimaha gudaha ee Faransiiska, Gerald Darmanin oo la hadlayay warfidiyeenka, ayaa sheegay in ninka weerarka geystay aysan ka warqabin mas’uuliyiinta.

   

   Xigashada Sawirka, Reuters

6. 8 Nofembar 2021Abiy Axmed oo mar kale baaq u diray shacabka Itoobiya

   Ra’iisul Wasaaraha Itoobiya Abiy Axmed ayaa shacabka ugu baaqay inay ku dadaalaan midnimada xilli dagaalka uu ka socda dalkaas.

   Wuxuu sheegay in dalka uu kasoo gudbay dhibaatooyin badan.

   "In kasta oo ay dhammaantood isku dayeen in ay dib noo celiyaan aynu hore u sii wadno midnimada"

   Abiy wuxuu bartiisa Twitter-ka soo dhigayay sawirrada dibadbaxyada lagu taageerayo dowladda.

   Ka bood X boggan

   Oggolow X macluumaadka

   Macluumaadkan waxaa daabacay X. Waxaan dalbanayenaa fasaxaaga ka hor inta aan la furin, waxaa laga yaabaa inay isticmaalayaan cookies iyo farsamooyin kale. hadii aad u bahato akhri X xeerarka cokie iyo kan ku saabsan xogta gaarka ah ka hor inta aadan aqbalin. si aad u aragto xogta guji ‘aqbal oo soco’.

   Aqbal horayna u soco

   Digniin: BBC macluumaadka ku qoran bog kale masuul kama ahan

   Dhammaadka X boggan

   Tobannaan kun oo qof ayaa ka qeybqaatay dibadbax ballaaran oo ka dhacay caasimadda waddanka Itoobiya ee Addis Ababa, si ay taageero ugu muujiyaan dagaalka ay dowladda kula jirto xulafada ciidammada fallaagada ee ku gooddinaya inay caasimadda geli doonaan.

   Dowladda waxay ugu baaqday saraakiishii hore ee militeriga ee shaqada ka fariistay inay kusoo biiraan dagaalka ka dhanka ah kooxaha fallaagada ah.

7. 8 Nofembar 2021Nin saalada xoolaha ka sameeya gaaska cuntada lagu karsado ee Soomaaliya

8. 8 Nofembar 2021Kursigii laisku heystay ee Mahdi Guuleed oo go'aan laga gaaray

   Guddiga xallinta khilaafaadka doorashooyinka ayaa go'aan kasoo saaray dacwaddii dhawaan laga gudbiyay kursigii uu ku guuleystay uu Ra'iisul Wasaare ku xigeenka Soomaaliya Mahdi Guuleed.

   Guddiga wuxuu sheegay in doorashada Mahdi Guuleed loo maray xeerarka iyo habraacyada doorashada.

   Dhawaan ayay aheyd markii Xuseen Carab Ciise dacwad ka gudbiyay doorashada Mahdi Guuleed oo uu sheegay in aan loo marin hanaankii saxda ahaa ee doorashada.

   

   Xigashada Sawirka, .

9. 8 Nofembar 2021Galmudug maxay ka tiri hadalkii guddoomiyaha Ahlu Sunna?

   

   Xigashada Sawirka, Baraha bulshada

   Wasiirka warfaafinta mamaulka Galmudug ayaa sheegayinaysan diyaar u ahayn in ay wadahadal la galaan Ahlu Sunna isla markaana Galmudug uu ka jiro maamul sharci ah.

   Wuxuu sheegay in dhalinyarada la qaldayana ay cafiynayaan.

   "Anagu marka hore xiriir wadahadal ma aanay laheyn, hataana xiriir wadahadal ah ma lihin, dhalinyaro ku xaadgudubtay sharciga weeye, anagoo la hadlin bey cafis naga yihiin laakiin sida hadda warka loo dhigayo, wadahadal oo na dhexmaray, xabaddu kuma joogsanin haatan wadahadal aan sugeyno oo miiska noo saaran ma jiro” ayuu yiri Wasiirka warfaafinta Galmudug, Axmed Shire Falagle.

   Hadalkan ayaa kusoo aadayaa xilli gudoomiyaha guud ee Ahlu Sunna Waljamaacah uu markii ugu horraysay ka warbixiyay qaabkii ay ciidammadooda uga saareen magaalada Guriceel, isagoo sheegay inay doonayaan in wadahadal lagau xalliyo khilaafka taagan hasayeeshee illaa hadda aanay jirin cid la soo xiriirtay.

   Sheekh Maxamuud Sheekh Xasan Faarax oo BBC-da siiyay wareysi gaar ah waxa uu ku eedeeyay inay soo maleegeen dowlad goboleedka Galmudug iyo dowladda federaalka ee Soomaaliya.

   Dagaalkaas waxaa ku dhintay tobannaan qof, dad kale oo badanna ay ku dhaawacmeen halka kumannaan qofna ay guryahoodii ka qaxeen.

   Sheekh Maxamuud waxa kale oo uu sheegay in ciidamadooda ay haatan ku sugan yihiin meel u dhow magaalada Guriceel ayna magaalada uga baxeen codsi uga yimid dinacyo kala duwan.

   Halkan ka dhageyso wareysiga uu BBC-da siiyay wasiirka warfaafinta Galmudug.

10. 8 Nofembar 2021Wareysiga uu BBC siiyay guuddoomiyaha Ahlu Sunna Waljamaaca

11. 8 Nofembar 2021Imtixaamka dugsiga sare oo maanta ka bilowday Dowlad Deegaanka Soomaalida

    Ardeyda wax ka barata dugsiyada Dowlad Deegaanka Soomaalida ee dalka Itoobiya ayaa maanta u fariistay imtixaamka shahaadiga ee dugsiga sare.

    Waxaana imtixaamkan loogu gudbo waxbarashada jaamacadaha u fariistay ardey ka badan 20,000.

    Mas’uuliyiin uu kamid ah madaxweynaha Dowlad Deegaanka ayaa saaka si rasmi ah xarigga ugajaray imtixaamka.

    

    Xigashada Sawirka, SRTV

    

    Xigashada Sawirka, SRTV

12. 8 Nofembar 2021Wasaaradda waxbarashada oo meesha ka saartay kharashaad uu gobolka Banaadir kusoo rogay ardeyda

    Wasaaradda waxbarashada hidaha iyo tacliinta sare ee Soomaaliya ayaa meesha ka saartay kharashaad xadh-dhaaf ahaa oo maamulka gobolka Banaadir kusoo rogay ardeyda, iskuulada iyo adeegyada aasaasiga ee waxbarashada taas oo cabasho laga muujiyay, sida lagu sheegay war saxaafadeed kasoo baxay wasaaradda.

    Wasaaradda waxay sidoo kale sheegtay in hantida ma guurtada ee goobaha waxbarashada ay mas’uul ka tahay wasaaradda isla markaana aysan cid kasta iska maamulan karin.

    

    Xigashada Sawirka, Wasaaradda waxbarashada

13. 8 Nofembar 2021Filsan Cabdullaahi: "Dabeyshii isbaddalka waxay Itoobiya ka leexisay dhabbihii saxda ahaa"

    

    Wasiirkii hore ee arrimaha haweenka, dhalinyarada iyo carruurta dalka ItoobiyaFilsan Cabdullaahi Axmed ayaa ka hadashay xaaladda haatan ka taagan dalka Itoobiya oo ay ku tilmaantay "sida duufaan xooggan oo gilgilshay dalka isla markaana dalka ka leexisay dhabbihii saxda ahaa"

    Waxay sheegtay in dabeyshii isbaddalka ee lagu waday inay horseedo nabad iyo barwaaqo ay isku baddashay duufaan daran oo dalka saameeysay.

    "Dabeyshii isbaddalka ee horseedka u aheyd ballanqaadkii ahaa in la helo Itoobiya oo nabad iyo barwaaqa ah, nasiib darro waxay isu baddashay duufaan xooggaan oo horseeday naxdin daran oo dalkii ka weecisay dhabbihii saxda ahaa" ayay tiri Filsan Cabdullaahi oo qoraalkan soo dhigtay barteeda Facebook.

14. 8 Nofembar 2021Maxay Midowga Afrika iyo Qaramada Midoobey kala hadleen hoggaamiyaha TPLF?

    Ergeyga Midowga Afrika uu qaabilsan arrimaha Itoobiya ayaa la kulmay hoggaamiyaha TPLF Debretsion Gebremichael si loo soo afjaro xiisadda ka taagan halkaas.

    Madaxa Qaramada u qaabilsan arrimaha banii’aadanimada iyo gargaarka Martin Griffiths iyo Obasanjo oo ah madaxweynihii hore ee Nigeria oo shaley gaaray caasimadda Mekelle ayaa sidoo kale kala hadlay ninkan sidii gargaar loo gaarsiin lahaa shacabka ay saameeyeen dagaallada ka dhacay gobolka.

    Teleefishinka Tigray ayaa ku warramay in mas'uuliyiintan ay la kulmeen "madaxweynaha Tigray, Dr Debretsion Gebremichael , waxay ka wadahadleen qalalaasaha ka taagan Itoobiya iyo sida gargaarka lagu gaarsiin shacabka iyo arrimo kale"

    Mr Griffiths iyo Obasanjo ayaa markii dambe dib ugu laabtay maagalada caasimadda ah ee Addis Ababa, sida uu sheegay teleefishinka Tigray.

    Afhayeenka TPLF Getachew Reda ayaa barta Twitter-ka soo geliyay sawirrada kulanka Obasanjo uu la yeeshay madaxada TPLF.

    Ka bood X boggan

    Oggolow X macluumaadka

    Macluumaadkan waxaa daabacay X. Waxaan dalbanayenaa fasaxaaga ka hor inta aan la furin, waxaa laga yaabaa inay isticmaalayaan cookies iyo farsamooyin kale. hadii aad u bahato akhri X xeerarka cokie iyo kan ku saabsan xogta gaarka ah ka hor inta aadan aqbalin. si aad u aragto xogta guji ‘aqbal oo soco’.

    Aqbal horayna u soco

    Digniin: BBC macluumaadka ku qoran bog kale masuul kama ahan

    Dhammaadka X boggan

15. 8 Nofembar 2021Soomaaliya: "Tallaabo adag ayaan ka qaadi doonaa kuwa muuqaallada anshax darrada soo dhiga TikTok"

    

    Xigashada Sawirka, Cabdi Hassan Hijar/Twitter

    Dowladda Soomaaliya ayaa sheegtay inay tallaabo adag ka qaadi doonto dadka sida khaldan u adeegsada baraha bulshada gaar ahaan barta TikTok oo si weyn dhalinyarada uga soo dhexmuuqdaan.

    Taliyaha booliska Soomaaliya Janaraal Cabdi Xasan Xijaar ayaa sheegay in gacan bir ah lagu qaban doono dadka bartan soo dhiga muuqaallada anshax xumada ah ee bulshada dhibaatada u horseedi kara.

    Wuxuu sheegay in tallaabadan looga golleeyahay badbaadinta dhalinyarada iyo ka hortagga falalka xun ee lagu baahiyo halkaas.

    “Gacan bir ah ayaan ku qaban doonaa kuwa dhaca ka geysta Muqdisho iyo kuwa TikTok kusoo gudbiya muuqaallada anshax darrada ah” ayuu yiri taliyaha, sida laga soo xigtay Radio Muqdisho.

16. 8 Nofembar 2021

    Asalaamu Caleykum

    Kulanti wacan kusoo dhawaada tebinta tooska ah oo aan idiin kuugu soo gudbinno wararkii ugu dambeeyay soomaalida iyo caalamka.