Afhayeen u hadlay Farmajo oo ka hadlay Guriga loo dhisayo Madaxweynihii hore

Tebin toos ah

4 Juunyo 2022Ruushka oo magaalo muhiim ah dib looga riixay
Xigashada Sawirka, Getty Images
Barasaabka gobolka Luhansk ee dalka Ukraine ayaa sheegay ciidamadoodu iney jkuwa Ruushka dib uga riixeen magaalada Severodonetsk, gooba badanna ay ku qasbeen iney dib uga gurtaan.
Serhiy Gaidai oo telefishiinka ka hadlayey wuxuu sheegay militariga Ukraine iney goobo muhiim ah ka haystaan gudaha magaalada ayna dib u riixeen ciidamada Ruushka, xilli ay shan mlmood un ka soo wareegtay dib u qabsashada magaalada.
Serhiy wuxuu ciidamada Ruushka ku eedeeyey iney qarxinayaan buundooyinka saaran wabiga galbeedka Severo-donetsk si ay buundooyinkaasi ciidamada Ukraine ay u adeegsan.
Wariyaha BBC Kyiv uga soo warramo wuxuu sheegay ciidamada Ukraine iney wadaan dagaal rogaal celis ah, inkastoo sheekashada Ukraine aan si madax bannaan loo xaqiijinin.
4 Juunyo 2022Xaaladda dibadbaxayaasha Suudaan oo laga deyrinayo
Khabiirka Qaramada Midoobay u qaabilsan xuquuqul insaanka ee dalka Suudaan ayaa ku baaqay in la dardar geliyo baaritaannada la xiriira dilalka loo geysanayo dadka mudaaharaadyada dhigaya iyo tacaddiyada kale.
Adama Deng ayaa dhaleeceeyay adeegsiga awoodda xad dhaafka ah ee saraakiisha ammaanka Sudan.
Ku dhawaad boqol qof ayaa la toogtay in ka badan shan kun oo qofna waa la dhaawacay intii lagu jiray mudaaharaadyada toddobaadlaha ah ee looga soo horjeedo afgambiga milatariga ee dhacay bishii Oktoobar ee sanaki hore.
Jimcihii hal qof ayaa la dilay iyadoo kumannaan qof ay isugu soo baxeen waddooyinka magaalooyinka dalka Suudaan si ay u xusaan sannad-guuradii saddexaad ee ka soo wareegtay rabshadihii dhacay xilli la kala dirayey mudaharaadayaal ku hortubnaa wasaaradda gaashaan dhigga dalkaasi.
4 Juunyo 2022Basaas muddo lagu raad-joogay oo geeriyooday
Xigashada Sawirka, AFP
Mid ka mid ah tuhmanayaashi si weyn looga baadi goobayey UK oo loo haystay dilkii loo geystay basaaski hore ee Ruushka Alexander Lit-vinenko ayaa lagu soo waramayaa inuu geeriyooday.
Wararka ku saabsan dhimashada Dimitry Kovtun ayaa sheegay in loo badinayo inuu tuhmanahaasi u dhintay xanuun la xidhiidha covid, ayaa soo ifbaxay kaddib marki uu barta uu leeyahay Andrei Lugovy, oo ah tuhmanaha labaad ee loo haysta shirqoolka dilka.
Mr Litvinenko, oo ahaan jiray wakiilka FSB, ayaa ka goostay Ruushka sanaddi 2,000, isagoo noqday shaqsi si weyn u naqdiya siyaasadda madaxweyne Vladimir Putin.
Muddo lix sana ah marka uu xanuunsanaa ayuu ku geeriyooday magaalada London, isaga oo lagu sumeeyey maadadda 'polonium'.
Moscow ayaa diidday codsiga UK ee ahaa in loo soo gacan geliyo labada tuhmane si ay u wajahaan dacwado dil ah.
4 Juunyo 2022Sacuudiga oo qaabilay xujaajti ugu horreysay oo ajaanib ah tani iyo marki uu dilaacay Covid-19
Xigashada Sawirka, AFP
Xujaajti ugu horreysay oo ka socota meel ka baxsan Sacuudi Carabiya muddo laba sana ah kaddib ayaa maanta gaaray magaalada Madina, taasoo ka dhigeyso xujaajti ugu horreysay oo soo xajido tani iyo marka uu cudurka safmarka ee Covid-19 dunida uu ka dillaacay.
Xujaajtan ugu horreysay ee Sacuudi Carabiya soo gaaray ayaa la sheegay iney yihiin kuwa ka socda dalka Induniisiya.
Warbaahinta dowladda Sacuudi Carabiya waxay sheegtay in sanadkan loo oggol yahay iney soo xajiyaan 1 malyan oo xujaaj ah oo dalka gudahiisa iyo dibaddiisa ka kala imaneysa.
"Maanta waxaan qaabilnay koox xujaaj ah oo ka socotay dalka Induniisiya, waxaana xigi doono diyaarado sido xujaaj ka socdo Maleysia iyo Hindiya," ayuu yiri wasiirka Xajka Maxamed Al-Bijaawi oo u warramayey warbaahinta dowladda ee Al0Ikhbaariya.
2020-kii waxaa soo xajiyey oo keli ah xujaaj aan ka badneen 1,000, halka 2021-ka ay xajiyeen xujeey aan ka badneen 60,000 oo gudaha Sacuudi Carabiya ka socotay.
4 Juunyo 2022Ruushka: 'Waxaan soo ridnay diyaarad sidday hub iyo shixnado militari'
Ruushka ayaa sheegay in ay soo rideen diyaarad nooca xamuulka ah oo laga leeyahay dalka Ukraine oo sidday hub iyo rasaas.
Wasaaradda difaaca ee Ruushka ayaa sheegtay in diyaaradda xamuulka ee Ukraine lagu soo riday meel u dhow dekedda Odesa ee Ukraine.
Moscow ayaa sidoo kale sheegtay in ay weerar gantaalo ah ku qaadday dhowr bartilmaameed oo ay ku jiraan xaruun lagu tababaro ciidamada madaafiicda Ukraine oo ku taal Stets-kovka oo u dhow Sumy.
Ruushka ayaa sheegay in macallimiin ajaanib ah ay xaruuntaasi ka shaqeeyeen.
Afhayeenka wasaaradda gaashaandhiigga Ruushka Igore Konashenkov wuxuu sheegay weerar dhinaca gantaalaha oo ay ciidamadoodu fuliyeen in lala beegsaday bartiilmameedyo ay ka mid yihiin fariisimaha ciidamada Ukraine iyo xaruumo ciidmada Ukraine lagu tababaro.
4 Juunyo 2022Musharrixii Musevini loollanka adag la galay oo Hargeisa ku sugan
Xigashada Sawirka, MFA SOMALILAND
Musharraxi mucaaradka ee u tartamay jagada Madaxweynaha Uganda oo tartanka adag la galay madaxweyne Yuweri Musevini, Bobi Wines ayaa gaaray magaalada Hargeisa.
Bobi ayaa magaalada Hargeisa uga qayb galaya shir caalami ah oo ay marti gelisay Somaliland.
Shirkaasi oo ka qayb galeen ergo ka kala socotay 14 dal ayaa looga arrinasanayaa arrimo ay ka mid yihiin amniga iyo dhismaha dawladnimada.
Bobi Wine, oo ay da'diisu tahay 36 jir magaciisu saxdana uu yahay Robert Kyagulanyi, oo ku soo caan baxay heesaha Pop-ka ayaa sanadihi u dambeeyey u diga rogtay siyaasadda isaga oo laf dhuungashay ku noqday Madaxweynaha Uganada Yuweri Musevini.
Xigashada Sawirka, MFA SOMALILAND
4 Juunyo 2022Shir caalami ah oo ay ka soo qayb galeen 14 dal oo ay Somaliland martigelisay
Xigashada Sawirka, MFA SOMALILAND
Qoraalka sawirka, .
Madaxweynaha Jamhuuriyadda Iskeed Madaxbannanida ugu dhawaaqday ee Somailand, Muuse Biixi, ayaa soo dhaweeyey in shirkan lagu qabto gudaha Somaliland, waxana uu caddeeyey inay taasi caddaynayso xasilloonida iyo amniga ka hana qaaday Somaliland iyo sida ay u tahay bogcad dunidu ku qabto kalsooni buuxda oo dhinac kasta ah.
Shirkan oo ah kii ugu horreeyey ee noociisa ah ee lagu qabto dalalka Geeska Afrika, ayaa Jamhuuriyadda Somaliland u ah fursad weyn oo ay ku muujinayso qaangaadhnimo dawladeed, iskaashi caalami ah iyo kasbashada saaxiibbo cusubba, shirkan iyo kuwo ka waaweyna in lagu qabto u diyaarsan tahay.
Madaxweynuhu waxa si cad u sheegay inay Somaliland diyaar u tahay inay dunida wax la qaybsato, iskaashi buuxana la yeelato cid kasta oo ay isku dan noqdaan, islamarkaana ay sii wadi doonto adkaynta amniga, horumarinta dhaqaalaha, Dimuqraaddiyadda iyo horumarka dhinacyada kala duwan ee ay ku hawllan tahay.
Madaxa machadka shirkan qabanqaabadiisa leh, Dr. Greg Mills oo halkaas ka hadlay, ayaa sheegay inuu shirka salka ku hayo amniga iyo dhismaha dawladnimada, waxana uu tilmaamay inuu yahay shirkii ugu horreeyey ee machadkani ku qabto waddamada Geeska Afrika, islamarkaana ay ka maamul ahaan si buuxda ugu qushuucsan yihiin amniga, nabadda iyo xasiloonida ka jirta Jamhuuriyadda Iskeed Madaxbannanida ugu dhawaaqday ee Somailand.
Xigashada Sawirka, MFA SOMALILAND
Qoraalka sawirka, .
4 Juunyo 2022Soomaali lagu dilay Koonfur Afrika
Ugu yaraan laba nin oo Soomaali ah ayaa saacadihii ugu dambeeyay lagu dilay dalka Koonfur Afrika, xilli laga cabsi qabo inay sii bataan weerarrada ay fuliyaan kooxaha burcadka ah.
Dilalka u dambeeyay ayaa ka dhacay gobolka Western Cape ee dalkaas, halkaas oo lagu dilay laba nin oo ganacsato Soomaali ah, halka uu dhaawac soo gaaray saddex kale oo uu kamid yahay guddoomiyaha jaaliyadda Soomaalida ee degmadaas.
Waxaad sidoo kale akhrisan kartaa:
- Mowqifka dalalka Afrika ee ku aadan dagaalka Ruushka iyo Ukraine
- Mikhail Sergeyevich Tolstokh: Afar sabab oo keentay in Kooxda 'Guutada Soomaalida' loo bixiyo magacaas
Xigashada Sawirka, Getty Images
4 Juunyo 2022Warbixn ay BBC-da ka diyaarisay dacaayada Ruushka ee dagalka Ukraine
Ciidamada Ruushka iyo kuwa Ukraine ayuu dagaal culus ku dhexmarayaa deegaannada bari, gaar ahaan magaalada Severodonetsk ee gobolka Luhansk. Dhanka kale, dagaalka oo hadda boqol maalin jirsaday ayaa warbaahinta Ruushka waxa ay uga hadashaa sida ay doonayso xukuumadda Moscow.
Qeybta warqabadka ee BBC-da ayaa warbixintan ka diyaarisay sida shacabka Ruushka looga warramo duullaanka.
Halkan ka dhageyso Warbixinta
4 Juunyo 2022Saddexdii xubnood ee ugu dambeeyay guddida doorashooyinka Somaliland oo is casilay
Saddexdii xubnood ee ugu dambeeyay guddida doorashooyinka ee Jamhuuriyadda iskeed ugu dhawaaqday madax bannaanida ee Somaliland ayaa maanta iscasilaadooda u gudbiyay madaxweyne Muuse Biixi, sida ay qaar kamid ah xubnahaas u sheegay BBC.
Waxaa ka horreeyay saddex xubnood oo kale oo iyaguna horay u shaaciyay inay ka baxeen guddiga.
Tani ayaa ka dhigan in gebi ahaanba uu burburay guddiga doorashooyinka Somaliland, xilli lagu waday in 13-ka November ay dhacdo doorashada madaxweynaha.
Waxaad sidoo kale akhrisan kartaa:
- Suuragal ma tahay in uu Ruushka ku guuleysto dagaalka ukraine?
4 Juunyo 2022"Putin waxaad samaysay khalad taariikhi ah"
Madaxweynaha Faransiiska Emmanuel Macron ayaa sheegay in uu Vladimir Putin u uu galay "khalad taariikhi ah oo aasaasi ah" markii uu ku duulay Ukraine.
Macron sidoo kale meesha ma uusan ka saarin,booqasho uu dhawaan ku tagi doono Kyiv .
Hogaamiyaha Faransiiska ayaa xiriir aad u badan la yeeshay Putin tan iyo markii ciidamada Ruushka ay weerareen Ukraine, marka loo eego inta badan dhiggiisa reer galbeedka
Xigashada Sawirka, Getty Images
4 Juunyo 2022Saciid Deni oo sheegay balanqaad uu ka helay madaxweynaha cusub
Madaxweynaha Puntland Sacid Cabdullahi Deni ayaa sheegay in Madaxweyne Xassan Sheekh uu balan-qaad u sameeyay Maamul goboleedyada.
Deni oo la hadlay wargeyska the Economist ayaa sheegay in madaxweynaha uu u balanqaaday in uu xukunka la wadaagi doono islamrkaana uu soo dhameystiri doono dastuur cusub oo federaal ah.
Madaxweyne Deni ayaa si faahfaahsan u sharaxin waxa uu kawado xukun la wadaagista uu madaxweynaha u balanqaaday , laakin waxaa la aminsanayahay in ay tahay ka tashiga aayaha masiiriga ah ee dalka Soomaaliya.
Waxaad sidoo kale Akhrisan kartaa sheekooyinkan horay loo qoray:
- Doorashada Soomaaliya: Afar caqabad oo Deni sugaya marka uu ku noqdo Puntland
- Doorashada Soomaaliya 2022: Guusha Xasan Shekh Maxamuud maxay uga dhigan tahay Colaadda Tigray?
Xigashada Sawirka, social
4 Juunyo 2022Duulaanka sharci darrada ah wuxuu khatar ku yahay nabadda adduunka - Liz Truss
Xoghayaha arrimaha dibadda ee UK Liz Truss ayaa uga digtay Ruushka duulaanka “cudurdaar-la’aanta iyo sharci-darrada ah” uu khatar ku yahay nabadda adduunka iyo xasilloonida dhaqaale.
"Wuxuu filayey in duullaanku uu soo afjarmi doono maalmo gudahood, laakiin wuxuu si weyn u dhayalsaday go'aanka geesiyaasha Ukraine, kuwaas oo si geesinimo leh u difaacay dalkooda," ayay tidhi.
Xoghayaha ayaa sido kale sheegtay in duulaanka Putin uu keenay dhimasho iyo burbur baaxad leh oo aan Yurub lagu arag tan iyo dagaalkii labaad ee aduunka.
Waxaad sidoo kale Akhrisan kartaa sheekooyinka
- Alina Kabaeva: Xayiraad lagu soo rogay marwada qarsoon ee madaxweyne Putin?
- Colaadda Ukraine iyo Ruushka: Madaxweyne Biden "Putin wuxuu go'aansaday in uu weeraro Ukraine"
Xigashada Sawirka, AFP via Getty Images
4 Juunyo 2022Hogaamiyaha Iraan oo sheegay in cadawgu ay dhagar u maleegayan
Hogaamiyaha ruuxiga ah ee Iran Sayid Ali Hosseini Khamenei ayaa maanta sheegay in cadawga Iraan ay wadaan kacdoono ay ku doonayaan inay xukunka kaga tuuraan dowladda Islaamiga ah.
"Maanta, rajada ugu muhiimsan ee cadawgu ka qabaan in ay dharbaaxo ku dhuftaan dalka Iraan waxay ku salaysan tahay hurinta mudaaharaadyada … Laakiin xisaabta cadawgu way ka khaldantahay sidii kuwii hore oo kale," ayuu Khamenei ku yidhi khudbad uu telefishanka ka jeediyay.
Arrintan ayaa ku soo beegantay iyadoo ay cirka isku sii shareertay xiisadda u dhexeysa Iraan iyo Israa’iil, sidoo kalena ay taagan tahay xiisadda ku xeeran heshiiska Iraan.
Waxaad sidoo kale akhrisan kartaa:
- 'Waxa nakala qabsaday aniga iyo gacan ku dhiiglayaashiI aabbahay dilay'
- Nolol adag: 'Sida uu xayawaan aan la kulmay nolosheyda u baddalay'
4 Juunyo 2022Dowladda Masar oo Xukun adag ku riday siiyaasi caan ah
Maxkamada dambiyada ee dalka Masar ayaa 15 sano oo xarig ah ku xukuntay musharaxii hore ee madaxweynenimada dalka Masar.
Abdel Moneim Aboul Fotouh, oo 70 jir ah, xaaladdiisa caafimaadna ay liidato, ayaa isaga iyo hoggaamiyaha ku meel gaadhka ah ee kooxda la mamnuucay ee Ikhwaanul Muslimiinka, Mahmoud Ezzat, lagu helay inay faafiyeen warar been abuur ah iyo ku biirista koox argagixiso.
Mr Aboul Fotouh ayaa la xiray sanadkii 2018 markii uu ka soo laabtay Britain.
Isaga oo ku sugan magaalada London, waxa uu bixiyay waraysiyo badan oo uu ku dhaliilay xukunka madaxweyne Cabdulfataax al-Sisi.
Eedaysanayaasha ayaa la sheegay in ay rafcaan ka qaadan karaan xukunkooda.
Xigashada Sawirka, AFP
4 Juunyo 2022Maxay tahay sababta ay taageerayaasha Farmajo guri ugu dhisayaan?
Maalmahaan waxaa baraha bulshada ee ay Soomaalidu ku wada xiriirto si weyn looga hadal hayaa guri la sheegay in si mutadawacnimo ah loogu dhisi doono meel kamid ah dalka Soomaaliya.
Guriga oo ururinta dhaqaalaha ku baxaya dhismihiisa uu hadda socdo, ayaa sababta loo dhisayo lagu sheegay mid loogu mahadcelinayo madaxweyne Farmaajo.
Cabdirashiid Maxamed Xaashi oo ka mid ah gudiga aruurinaya lacagta lagu dhisayo guriga ayaa BBC Somali u waramay.
Halkan ka dhageyso wareysiga