Waxgaradka magaalada Laascaanood oo shuruud ku xiray wadahadallada nabadeed ee lagu baaqay

Tebin toos ah

1. 17 Febraayo 2023Nigeria oo xaaladdu kacsan tahay

   Booliis xoojin ah ayaa la geeyay qeybo ka mid ah magaalada ugu weyn Nigeria, Lagos, si looga jawaabo qalalaasaha loo maleynayo in ay la xidhiidho lacag yarida sii socota. Rasaas ayaa la maqlayaa waxaana la xidhay dhowr waddo oo muhiim ah oo qaarkood lagu gubay taayiro.

   Booliiska ayaa sheegay in nidaamka lagu soo celiyay hal degmo, Mile Twelve oo meelihii uga qaska badnaa.

   Waxay ku eedeeyeen dhibka jira inay ka dambeeyaan koooxo sharwadayaal ah. Niyad jabka ka dhashay yaraanta lacagta kaashka ah ayaa sababay mudaaharaadyo rabshado wata oo horaantii todobaadkan ka dhacay qaybo kale oo ka tirsan koonfurta Nigeria (oo ay ku jiraan Warri, Benin City iyo Ibadan).

   Maalintii Khamiista, Madaxweyne Muhammadu Buhari, ayaa mar kale kordhiyay waqtiga loogu talagalay in lagu soo wareejinato lacxagihii hore.

2. 17 Febraayo 2023Turkiga halkee xaal marayaa gargaarkii loo fidiniyey kaddib dhulgariirradii?

   

   Xigashada Sawirka, Reuters

   Kow iyo toban maalmood ka dib dhulgariirkii khasaaraha geystay ee galaaftay nolosha ugu yaraan laba iyo afartan kun qof, ayaa la nsoo sheegayaa in manta la badbaadiyey laba qof oo kale kuwaas oo laga helay burburka dhisme ku yaal koonfur bari Turkiga.

   Wiil afar iyo toban jir ah iyo nin afar iyo soddon jir ah ayaa hadda baananayaan shaqaalaha caafimaadka ee magaalada Antakya. Laakiin sidoo kale waxaa jiray qalbi jab kale. Shan carruur ah oo Suuriyaan ah iyo waalidiintood - oo ka badbaaday dhulgariirkii todobaadkii hore - ayaa ku dhintay dab ka kacay guri ay u guureen oo ku yaalla badhtamaha Turkiga.

   Lama oga waxa dhaliyay dabkan. Xidhiidhka Kubadda Cagta Adduunka ee FIFA ayaa ku yaboohay hal milyan oo doollar oo gargaar bini'aadanimo oo degdeg ah taas oo ay ugu talogalaeenTurkiga iyo Suuriya.

   Tani waxay daba socotaa codsi gargaar ah oo bilyan oo doolar ah oo Qaramada Midoobay ay ugu talagaleenTurkiga sida ay sheegeen Khamiista - iyo afar boqol oo milyan oo doolar oo dheeri ah oo loogu talagalay Suuriya.

3. 17 Febraayo 2023Qaramada Midoobay oo sheegtay tirada dadka ka qaxay Laascaanood

   Hay'adda Qaramada Midoobay u qaabilsan qaxootiga ayaa sheegtay in kumannaan qof ay ka qaxeen dagaallada iyo ammaan-darrada ka jirta magaalada khilaafku ka taagan ee Laascaanood.

   Lixdan kun oo qof ayaa la soo sheegayaa in ay u gudbeen xuduudka Itoobbiya, toddobaadyadii la soo dhaafay.

   Wakaaladu waxay sheegtay in qaar badan ay yimaadeen iyagoo daalan oo anfariirsan, watana hantiyo kooban.

   Si guud Qaramada Midoobay ayaa ku qiyaastay in ka badan 185-kun ay ku barokaceen aagga Laascaanood. Dagaallada ayaa horaantii bishan ka dhex qarxay ciidammo deegaanka iyo kuwa Somaliland.

4. 17 Febraayo 2023Dowladda Soomaaliya oo sheegtay in meel wanaagsan uu marayo olalaha taakuleynta iyo gurmadka shacabka Turkiga

   Dowladda Soomaaliya ayaa sheegtay in meel wanaagsan uu marayo olalaha taakuleynta iyo gurmadka shacabka Turkiga oo dalkooda qaybo ka mid ah uu dhawaan ku dhuftay dhul gariir dhaliyay khasarae xooggan oo isugu jira dhimasho dhaawac iyo burbur hantiyeed.

   Guuddi dowladdu arrintaan u magacaaday oo ka kooban 11 xubnood oo isugu jira xukuumadda, bulshada rayadka ah ganacsato iyo culimo ayaa sheegay in lacagaha ilaa iyo hadda lagu yaboohay ay gaarayaan afar milyan oo seddax k amid ah ay ka imaanayso ganacsatada halka halka milyan ee kalana ay xukuumaddu ku yaboohaday.

   Sidoo kale waxaa jira dedaallo ay wadaan qurba joogto oo lagu garab istaagayo dowladda iyos hacabka Turkiga.

   Haddaba Guddoomiyaha guddiga howshan u xil saaran ahna wasiirka Arrimaha Gudaha ee xukuumadda federaalka Soomaaliya Axmed Macallin Fiqi ayaa ka warramaya howlaha ay wadaan.

5. 17 Febraayo 2023Itoobiya oo war ka soo saartay weerar ay la xirriirisay kooxda Al-Shabaab

   

   Xigashada Sawirka, AFP

   Maamulka gobolka Oromada ee dalka Itoobiya ayaa ku eedeeyay jabhadda Oromada ee OLA iyo kooxda Al-Shabaab rabshado ay dad badan ku dhinteen oo sababay in la xiro ku dhawaad ​​1,000 iskuul oo ku yaalla gobolka, sida ay sheegtay Fana. ayaa sheegay.

   Gobolka, oo ay ku nool yihiin qowmiyadda ugu weyn Itoobiya ee Oromada, ayaa waxaa soo maray rabshado muddo sanado ah.

   Guddoomiye ku xigeenka gobolka Oromiya Awelu Cabdi ayaa Fana u sheegay in OLA, Al-Shabaab iyo Maleeshiyo Amxaaro ah oo loo yaqaano Fano ay ka dambeeyaan rabshadaha.

   Wuxuu ku eedeeyay kooxahaasi inay laayeen dad shacab ah, wuxuuna sheegay in maamulku uu qaadayo tallaabooyin lagu nabadeynayo gobolka.

   Gudiga xuquuqul insaanka ee ay dawladu magacawday ayaa todobaadkan sheegay in in ka badan 50 qof lagu dilay intii u dhaxaysay 2 ilaa 4 February weerar ay fallaago ku qaadeen xero ay ku noolaayeen dad barakacayaal ah oo ku taal galbeedka Oromia.

6. 17 Febraayo 2023Wararkii ugu dambeyay ee xaaladda Laascaanood oo maanta madaafiici ay ku soo dhaceen

   Wararka aynu ka helayno magaalada Laasacaanood ayaa sheegaya in magaalada ay ku soo dhaceen tiro madaafiici ah oo gaystay khasarae dhimasho iyo dhawaacba leh.

   Dadka magaalada ayaa madaafiicdaan ku soo dhacaya magaalada ku eedeyay ciidamada Jamhuuriyadda iskeed madaxbnaanida ugu dhawaaqda ee Sooomaaliland kuwasa oo ku sugan banaanka magaalada.

   Cabdi Xakiim Cumar oo ka mid ah shacabka magaalada ayaa Ka warramayA sida uu yahay xaalka Laasacaanood.

   Dhanka kale Waxgaradka magaalada laasacaanood ayaa sheegay in haatan aanan la joogin waqtigii ay wadahadal nabadeed ka geli lahaayeen colaadda halkaas ka taagan maadaama bay yiraahdeen ay weli is hor fadhiyaan ciidammadii maalmahanba halkaas ku dagaallamayay.

   Waxgaradka ayaa sheegay in aanay jirin ergo ay Somaliland u dirsadeen iyo cid iyaga la soo xiriirtay toona. Hadalkaan ayaa imaanaya saacdo uun kadib markii madaxweynaha Soomaaliland Muuse biixi uu sheegay in colaadda Laasacaanood loo diray ergo waanwaan ku soo dhamaysa xaaladda halkaa ka jirta gardaadduna ay aqbaleen.

7. 17 Febraayo 2023IDAACADDA DUHURNIMO

8. 17 Febraayo 2023Waxgaradka magaalada Laascaanood oo shuruud ku xiray wadahadallada nabadeed ee lagu baaqay

   Waxgaradka magaalada Laacaanood ayaa sheegay in haatan aanan la joogin waqtigii ay wadahadal nabadeed ka geli lahaayeen colaadda halkaas ka taagan maadaama bay yiraahdeen ay weli is hor fadhiyaan ciidammadii maalmahanba halkaas ku dagaallamayay.

   Waxgaradka ayaa sheegay in aanay jirin ergo ay Somaliland u dirsadeen iyo cid iyaga la soo xiriirtay toona.

   Caaqil Cabdirisaaq Maxamed Xasan (Falaalug), afhayeenka guddiga 33-da xubnood ee aayo-katashiga SSC, oo BBCda la hadlay ayaa sheegay in dhankooda ay diyaar u yihiin wax walba oo nabad lagu gaari karo balse ay marka hore tahay in la kala qaado ciidammada.

   Marka hore waxa uu afhayeenka ka hadlayaa sida ay tahay xaaladda magaalada.

9. 17 Febraayo 2023Ciidamada Kenya oo dilay xubno ka tirsan Al-Shabaab

   

   Xigashada Sawirka, AFP

   Ciidamada Kenya ayaa 16-kii February waxa ay saddex ka tirsan kooxda Al-Shabaab ku dileen degaanka Sarira oo ka tirsan gobolka xeebta ee Lamu, una dhow xadka Soomaaliya, sida uu sheegay wargeyska Daily Nation.

   Saddexda xubnood ee ka tirsan Al-Shabaab ayaa la dilay wax yar ka dib markii bam ay ku xireen waddo dhinaceeda, sida uu wargeysku sheegay.

   Ciidamada oo ku howlgala magaca Amani Boni, ayaa sidoo kale soo furtay labo qori oo AK-47 ah iyo labo qalab raadiyaha ah, ayay raacisay.

   Ciidamada Kenya ayaa Amani Boni bilaabay sanadkii 2015 si ay uga saaraan Al-Shabaab oo la aaminsan yahay in ay ku dhuumaaleysanayaan keynta Boni ayna qal qal geliyaan xasiloonida degmooyinka Lamu iyo Garissa.

10. 17 Febraayo 2023Ra'iisul wasaare Xamse oo codsaday in si shuruud la'aan ah loo joojiyo colaadda ka aloosan Laascaanood

    

    Xigashada Sawirka, OPM OFFICE

    Ra'iisul wasaaraha Soomaaliya ayaa sheegay inay nasiib darro tahay in 35 sanadood kahor wixii ka dhacay gobollada waqooyi wax lamid ah ay maanta ka dhacayaan Laascaanood.

    Xamze Cabdi Barre, oo xalay fiidkii ka hadlayay magaalada Muqdisho ayaa si qota-dheer uga hadlay colaadda ka aloosan magaalada Laascaanood, halkaas oo dhowr iyo tobankii maalmood ee la soo dhaafay ay ku dagaallamayeen ciidammada Somaliland iyo ciidammada deegaanka.

    Ra'iisul wasaare Xamze Cabdi Barre, ayaa codsaday in si shuruud la'aan ah loo joojiyo xabbadda lana dhaqangeliyo xabbadjoojintii ay ku dhawaaqday Somaliland, garaadadana ay soo dhaweeyeen.

    Waxa uu sii raaciyay sida ay la tahay in xabbadjoojintaas lagu hirgelin karo, isagoo shacabka guud ahaan ugu baaqay inay ka qeybqaataan sidii colaaddaasi loo soo afjari lahaa ayna ka feejignaadaan inay sii huriyaan.

11. 17 Febraayo 2023

    Asalaamu Caleykum.

    Ku soo dhawaada tebinteenna tooska ah ee aan idiinku soo gudbinno wararka ku saabsan Soomaaliya, gobolka iyo caalamka.

12. 16 Febraayo 2023Muusi Biixi oo maanta madaxtooyada ku casuumay dad ka socda bulshada rayidka ah

    Madaxweynaha Somaliland Muusi Biixi Cabdi ayaa manta madaxtooyada ku casuumay dad kala socda bulshada qaybaheeda kala duwan, halkaas oo lagaga arrinsanayey xaaladda magaalada Laascaanood.

    Haddaba dadka kulankan ka qayb galay waxaa ka mid ahaa Anwar Warsame oo ah guddoomiyaha dallada ururrada aan dawliga ahayn ee Sonsaf, waxaannu wax ka weydiinnay sidii kulankaasi u dhacay iyo gaar ahaan ka ururrada bulshada ahaan sida ay xaal u arkaan.

13. 16 Febraayo 2023Afar qodob oo ku saabsan dagaalkii Laascaanood oo uu ku baaqay madaxweynihii hore ee Soomaaliya

    Madaxweynihii hore ee dowladda Soomaaliya, Shariif Sheekh Axmad, ayaa qoraal uu Facebook ku baahiyay waxa uu ayaan darro wayn ku tilmaamay dagaalka ka socda Magaalada Laascaanood ee gaaray maalintiisii 12-aad.

    Madaxweynaha ayaa qoraalkiisa ku sheegay in aan dulqaadan karin daadinta dhiigga Soomaaliyeed, waxa ka socda magaalada Laascaanoodna lagu sifayn karo dambiyo ka dhan ah Bini'aadannimada, xad gudubna ku ah mucaahadaadka iyo xeerarka caalamiga ah.

    Madaxweynaha ayaa sidoo kale ku baaqay afartan qodob:

    • in si degdeg ah oo shuruud la'aan ah loo joojiyo xabadda.
    • In ciidanka laga dulqaado magaalada.
    • In Isimada, culimada iyo waxgaradka labada beelood ay kulan degdeg ah isugu yimaadaan.
    • In Dowladda Federaalka Soomaaliya ay adeegsato culays siyaasadeed iyo mid Diblimasi sidii nabad waarta loogu soo dabbaali lahaa colaadda dabo dheeraatay.

14. 16 Febraayo 2023Waayaha ku xeeran rejada 'Maayarnimo' ee Cabdikariin Axmed Mooge

15. 16 Febraayo 2023Dowladda Soomaaliya oo faahfaahin ka bixisay dagaal "lagu dilay 200" oo Al-Shabaab ah

    Wasiir ku xigeenka wasaarada Warfaafinta Cabdiraxaan Yuusuf Alcadaala oo goor dhawayd shir jaraa'id qabtay ayaa sheegay in ka badan 200 oo ka tirsan kooxda Al-Shabaab ay ciidamada dowladda ku dileen deegaanka Iji ee gobolka Hiiraan.

    " Ilaa hadda inta aan xaqiijinnay waxaa deegaanka Inji lagu dilay in ka badan 200 oo ka tirsan maleeshiyaadka Al-Shabaab oo ay maydadkooda ay halkaas ka soo u uruuriyeen ciidamada huwanta ee wada howlgalayay." Ayuu yiri Wasiir ku xigeenka Wasaaradda Warfaafinta, Cabdiraxaan Yuusuf Alcadaala.

16. 16 Febraayo 2023Ciidamada dowladda oo deegaano hor leh Al-Shabaab kala wareegay

    

    Xigashada Sawirka, AFP

    Warrarka ka imaanaya gobolka Hiiraan ayaa sheegaya in ciidamada dowladda Soomaaliya ay Al-shabaab kala wareegeen deegaannada Inji iyo Afcad ee hoostaga gobolka Hiiraan, sida ay sheegtay wakaaaladda wararka ee SONNA.

    SONNA ayaa sidoo kale sheegtay in dagaalka ayaa lagu laayay askar ka tirsan Al-Shabaab oo kooxda u qaabilsana uruurinta iyo dhaca hantida dadweynahaayaa.

    Ciidamada dowladda iyo kuwa deegaannada ayaa waday maalmahaan howlgallo ka dhan ah kooxda Al-Shabaab.

    Macawisleyda mise milateriga: Yaa hoggaaminaya dagaalka ka dhanka ah Al-Shabaab?

    Labo sabab oo ay shacabku ula dagaallamayaan Al-Shabaab

    'Hal arrin oo sabab u noqon karta in ay dowladda Soomaaliya ku fashilanto dagaalka ka dhanka ah Al-Shabaab'

17. 16 Febraayo 2023Kumannaan qof oo qaxooti ah oo ka soo cararay dagaalka Suuriya

    Kumannaan qof oo qaxooti ah oo ka soo cararay dagaalkii Suuriya una qaxay waddanka Turkiga ayaa haatan danaynaya inay dib ugu laabtaan dalkooda hooyo kaddib dhulgariirkii halkaas ku dhuftay todobaadkii la soo dhaafay.

    Waxa ay daba socotaa kaddib markii Turkigu uu dabciyay shuruucda dhanka socdaalka iyadoo uu u ogolaaday dadkaasi qaxootiga ah in muddo saddex illaa lix bilood ah ay maqnaan karaan kaddibna dib u soo laaban karaan.

    Haddii la xaqiijiyo arrintaasi waxa ay noqonaysaa isbadel wayn oo lagu sameeyay sharciga Ankara.

18. 16 Febraayo 2023Soomaaliya oo guddi u magacawday ka shaqaynta gurmadka Turkiga

    Ra’iisul Wasaaraha Soomaaliya Xamse Cabdi Barre ayaa xalay magacaabay guddi Qaran oo loo xilsaaray gurmadka Dhul-gariirkii ee ka dhacay dalka Turkiga.

    Guddiga ayaa ka shaqeyn doona sidii ay u muujin lahaayeen taageerada shacabka iyo dowladda Soomaaliyeed ay la garab taagan yihiin walaalahooda Turkiga.

    "Ra'iisul Wasaare Xamse oo garoowsan sida Turkigu ay ugu soo gurmadeen shacabka iyo dowladda Soomaaliyeed xilligii adkaa ayaa go'aamiyey in maanta aysan ka harin dowladda iyo Shacabka Soomaaliyeed garab istaagga caalamiga ee loo fidinayo dalka Turkiga oo ay ku habsatay musiibo ballaaran." ayaa lagu yiri qoraal ka soo baxay xafiiska ra'iisal wasaaraha.

19. 16 Febraayo 2023Xadgudubyo ka dhan ah xuquuqda aadanaha oo weli laga soo sheegayo gobolka Tigray

    Dagaalka waqooyiga Itoobiya ka bilowday 2020-kii ayaa la sheegay inuu kamid ahaa dagaallada aadka loogu hoobtay balse aad loo qariyay dhibta colaaddaasi ka dhalatay.

    Iyadoo uu aad uga saa'id caleeyay dagaalka ka socda waddanka Ukraine, ayey haddana cilmibaarayaashu tirada dhimashada ku qiyaasayaan ku dhawaad nus malyuun qof.

    Waxaa la soo tebinayaa inay weli sii socdaan xadgudubyada ka dhanka ah xuquuqda aadanaha, oo haweenka ku sugan gobolka iyagoo boqollaal ah ayaa lagula kacaa tacaddiyo galmo, xitaa kaddib markii Nofeembartii la soo dhaafay ay dowladda iyo ciidammada Tigray kala saxiixdeen heshiis nabadeed.

20. 16 Febraayo 2023

    Asalaamu Caleykum.

    Ku soo dhawaada tebinteenna tooska ah ee aan idiinku soo gudbinno wararka ku saabsan Soomaaliya, gobolka iyo caalamka.