اصلیت سے دور امریکی صدور کے مومی مجسمے

امریکی کے صدر اور اور ان کی بیگمات کے اصلیت سے دور مومی مجسمے بنانے والا ایک عجائب گھر لوگوں کی عدم دلچسی کے باعث بند ہو رہا ہے۔

امریکی ریاست پینسلوینیا کے شہر گیٹسبرگ میں واقع 'دی ہال آف پریزیڈنٹس اینڈ فرسٹ لیڈیز' عجائب گھر کا آنے والے لوگوں کے لیے پیغام ہے کہ 'آئیں اور دیکھیں کہ ہمارے صدر حقیقت میں کیسے لگتے ہیں۔'

لیکن وہ لوگ جو ان مجسموں کو دیکھ چکے ہیں وہ شاید جانتے ہیں کہ یہ دعویٰ حقیقت سے کچھ دور ہے۔

ساٹھ سال تک لوگوں کو محظوظ کرنے کے بعد پچھلے سال نومبر میں یہ عجائب گھر بند ہو گیا اور اب وہاں رکھے ہوئے مجسموں کو نیلامی کے لیے پیش کر رہا ہے۔

بطور واحد سیاہ فام امریکی صدر ہونے کے ناطے براک اوباما کو پہچاننا شاید دشوار نہ ہو۔

ہمیں علم نہیں کہ انھوں نے اپنا یہ مجسمہ دیکھا ہے لیکن ہمارا خیال ہے کہ ان کا رد عمل کچھ ایسا ہو۔

اور سچ سچ بتائیں، اگر ہم نے آپ کو نہیں بتایا ہوتا تو کیا آپ مشیل اوباما کے اس مجسمے کو پہچان لیتے؟

یہ مجسمہ آپ کو شاید ہالی وڈ کے فنکار جان ٹریوولٹا کی یاد دلائے لیکن درحقیقت یہ سابق امریکی صدر بل کلنٹن ہیں جو 1993-2001 تک صدر رہے تھے۔

یہاں ہلیری کلنٹن کا بھی مجسمہ ہے جو حال ہی میں ڈونلڈ ٹرمپ سے امریکی صدارتی انتخاب میں ہار گئی تھیں۔

اس عجائب گھر میں سابق صدر جارج ڈبلیو بش کا بھی مجسمہ ہے۔

اور یہ ہے صدر ابراہم لنکن کا مجسمہ، جس میں ان کی داڑھی کی کافی حقیقی مشابہت ہے۔

افسوس اس بات کا ہے کہ ڈونلڈ ٹرمپ کا مجسمہ بننے سے پہلے یہ عجائب گھر بند ہو گیا۔