Ibibo Ọsun: Ẹgbẹ APC jawe olubori ninu idibo sipo Kansẹlọ

Awọn oludibo lori ila

Oríṣun àwòrán, AFP

Àkọlé àwòrán, Irinwolodinmọkanla oselu lo dije sipo Kansẹlọ
Published

Ajọ olominira to n se kokaari eto idibo ni ipinlẹ Osun, OSIEC ti kede awọn oludije ọ̀rìnlélọ̀dúnrún ó lé mẹ́sàn-án lati ẹgbẹ oselu APC gẹgẹbi ẹni to jawe olubori ninu idibo sipo Kansẹlọ ni ipinlẹ Ọsun.

Adari ajọ OSIEC, Ọgbẹni Sẹgun Ọladitan nigba ti wọn fi esi idibo na s'ita fun awọn oniroyin ni ilu Osogbo, sọ wi pe Mejiladinirinwo ninu awọn oludije naa ni ko si ẹni ti o ba wọn figagbaga.

Awọn eniyan tẹka lọjọ idibo sipo Kansẹlọ

Oríṣun àwòrán, OLU ALEBIOSU

Àkọlé àwòrán, ọ̀rìnlélọ̀dúnrún ó lé mẹ́sàn-án oselu lo dije sipo Kansẹlọ

Ọladitan sọ wipe Mejidinlaadoje ninu awọn oludije ti wọn pada si ipo wọn ni o wa lati agbegbe ẹkun idibo aringbungbun, nigbati mẹtadinlọgọfa wa lati iwọ-oorun ipinlẹ Ọṣun, ti awọn mẹtalelaadọrin yooku si wa lati ẹkun idibo ila-oorun ipinlẹ naa.

Lẹyin ti o se ikede yi, a wa fun awọn ti o jawe olubori sipo Kansẹlọ naa ni iwe ijẹrisi-ipadasi ẹnu isẹ (Certificate of Return).

Awọn agbalagba naa kopa ninu idibo yi

Oríṣun àwòrán, OLU ALEBIOSU

Àkọlé àwòrán, Iya agbalagba ọmọ aadọrun ọdun dibo ni ilu Osogbo

Alaga ajọ OSIEC naa wa fikun wi pe, awọn kansẹlọ tuntun naa yoo maa lo eto isakoso ti ile-igbimọ asofin, ti awọn kansẹlọ naa yoo si yan alaga laaarin ara wọn.