යුරෝ 2016: පාපන්දු ලෝලීන් අතර ගැටුම්

ප්‍රංශයේ මාර්ෂෙයි හි දී එංගලන්තය සහ රුසියාව අතර පැවති යුරෝපා කුසලාන පාපන්දු තරඟය අවසානයේ කලහකාරී ගැටුමක් ඇතිවිය.

රුසියානු පාපන්දු ලෝලීන් පිරිසක් ආරක්ෂක වළල්ලෙන් ද පැන ගොස් වැටට උඩින් පැන පලායමින් සිටි එංගලන්ත පාපන්දු ලෝලීන්ට පහරදෙනු දක්නට ලැබුණු බවයි වාර්තා වන්නේ.

රුසියානු පාපන්දු ලෝලීන්ගේ නොමනා හැසිරීම හේතුවෙන් රුසියාවට එරෙහි විනය ක්‍රියාමාර්ග ගනු ලැබීමට ඉඩ ඇති බවද වාර්තාවල සඳහන්වේ.

මීට පෙර මාර්ෂෙයි හි පැරණි වරාය ප්‍රදේශයේ දී දෙපිරිස අතර ගැටුම් හැට ගෙන තිබේ.

පොලීසිය විසින් කඳුළු ගෑස් සහ ජල ප්‍රහාර යොදාගනිමින් ගැටුම මැඩපැවැත්වීමට කටයුතු කර ඇති අතර පුද්ගලයන් තිස් දෙනෙකුට පමණ තුවාල සිදුවී ඇති බවයි වාර්තා වන්නේ.

මේ අතර නයිස් නගරයේ දී උතුරු අයර්ලන්ත සහ ප්‍රංශ පාපන්දු ලෝලීන් අතර ගැටුමකින් පුද්ගලයන් හය දෙනෙකු තුවාල ලබා ඇත.